Dumanonen iti pakabuklan a 10,004 cybercrime complaints ti naipila iti opisina ti Cybercrime Investigation and Coordinating Center (CICC) iti tawen 2024, nasurok tallo a daras a nangatngato ngem ti 3,317 a reklamo idi 2023.
Iti maysa nga statement, kinuna ni Executive Director Undersecretary Alexander Ramos a ti pakabuklan a gatad a naawan dagiti cybercrime victims ket dumanon iti agarup PHP198 million idi napalabas a tawen.
Iti nasao a bilang, agarup 3,534 a reklamo, wenno 35% ket consumer fraud a pakairamanan ti non-delivery of goods or services ken ti peke nga advertisements.
Iti sabali a bangir, dumanon met iti 3,242 nga online fraud ti reklamo, wenno 32% a pakabuklan, a pakairamanan ti financial fraud, impersonation, job scams, investment scams, ken love scams.
Dagiti dadduma a kita ti reklamo ket unsolicited communication, illegal access, identity theft, sexual cybercrimes, phishing, ken cyberlibel.
