--Ads--
Agtaltalinaed a nasaayaat ti relasyon da President Ferdinand Marcos Jr. ken sigud nga House Speaker Martin Romualdez.
Daytoy ti inlawlawag ni House Majority Leader Sandro Marcos kasaruno ti panaglusulos ni Romualdez iti pwesto gapu iti panakairaman daytoy kadagiti naakusaran nga adda ti pakainaiganna kadagiti naanomalyaan a flood control projects.
Sigun kenni Sandro Marcos, raraemen ti amana a ni President Marcos Jr. ti nagbalin a desisyon ni Romualdez.
Maipalagip nga idi laeng Mierkules, September 17 ket opisyal nga insimutir ni Romualdez ti resignationna nu sadino, sinukatan daytoy iti takem ni Isabela 6th District Representative Faustino “Bojie” Dy III.
Iti baet dayta,agtalinaed latta ni Romualdez a miembro iti lower house ti Kongreso.
