Inaprobaran ti House of Representatives ti rekomendasion ti House Ethics Committee a mangsuspender kenni Cavite 4th District Rep. Kiko Barzaga iti 60 nga aldaw.
Nasuspinder ni Bargaza kalpasan a guilty iti disorderly behavior mainaig kadagiti saan a maitutop a postings na iti social media a nagbalin a basaran ti reklamo kontra kenkuana.
Dumanon iti 241 a kongresista ti pimmabor iti rekomendasion ti Ethics committee, lima ti saan a pabor ken 11 dagiti saan a nagbotos.
Sigun kenni House Ethics Committee chairperson 4Ps party-list Rep. JC Abalos, awan metlaeng ti maawat ni Bargaza a sueldo bayat ti pannakasuspinderna.
Innayon ni Abalos a ti inaramid ni Bargaza ket manangiparangarang iti negatibo iti dignidad, integridad, ken reputasion ti House of Representatives.
Kabayatanna, nakalanad iti pammilin ti komite a nadagdagsen a dusa ti maipataw kenni Bargaza iti kanito nga ulitenna ti inaramid daytoy.
Naisingasing pay kenni Bargaza nga ikkatenna ti post-na iti social media a nagbalin a basaran ti reklamo, kalpasan a naprobaran ti rekomendasion.
