Idagdagadag ni Rep. Leila De Lima dagiti kadua daytoy iti Kamara nga suportaranda ti House Resolution No. 680 kontra iti patienna nga “inappropriate ken undiplomatic” nga statement ti Chinese Embassy.
Kalpasan daytoy nga na-ban ti agarup 16 nga opisyal ti Kalayaan, Palawan iti pagilian a China pakairamanan iti Hongkong ken Macau, kas sungbatda iti panangideklara ti Kalayaan Island kenni Ambassador Jing Quan kas persona non grata idiay Pag-Asa Island.
Sigun kenni Representative De Lima, maysa a dayaw kenkuana ti panangitandudo iti nasao a resolusyon.
Panggep ti nasao a resolusyon nga mangipaay iti napigpigsa nga sungbat ti gobyerno kontra iti patienna a panang-bully ken ti kinaranggas nga ipakpakita ti China idiay West Philippine Sea.
Ti nasao a resolusyon ken adda itan iti House Committee on Foreign Affairs. // Bombo Karen Calpoe Sapirao
