--Ads--
Naaddaan ti nabara a panagsinnungbat iti nagbaetan ni Caloocan Representative Egay Irece ken Iloilo Representative Janette Garin kalpasan a kuwestionaran ni Erice ti maatap a pannakibiang ni Majority Leader Sandro Marcos iti deliberasyon ti plenaryo.
Sigun kenni Erice, saan a mararaem ti minority bloc gapu ta un-unaan ti majority ti proseso, partikular iti maipanggep iti substitute bill para iti Anti-Political Dynasty.
Dagos met a sinungbatan daytoy ni Garin ken impettengna a saan nga aramiden a personal ti deliberasyon.
Ti nasao a panagsinupiat dagiti dua ket kalpasan a naikat ni Erice kas senior deputy minority leader ken sinukatan ni Rep. Leila de Lima, gapu iti panagkedkedna iti nasao a substiture bill. //Bombo KCS
