BAGUIO CITY–Inlawlawag ti National Police Commision (NAPOLCOM)-Cordillera a maysa latta a requirements ti “minimum height” para kadagiti sumrek iti Philippine National Police.
Sigun kenni Soledad Benwaren, panakangiwat ti NAPOLCOM-Cordillera a maibasar iti pammilin ti ahensia, saan a kasapulan ti minimum height requirement para iti aplikasion iti NAPOLCOM Examination.
nupay kasta, iti kanito a makapasa ti maysa nga indibidual iti eksaminasion ken panggepna ti agaplikar iti PNP ket sapulen latta ti pulisia ti Certificate of Confirmation manipod iti opisina ti National Commission on Indigenous Peoples.
Inlawlawagna a marisot latta ti minimum heights requirments a 5′ 4″ para kadagiti lallaki a pulis bayat a 5’2” para kadagiti babbai.
Nupay kasta, nu addaan dagitoy iti Certificate of Confirmation, mapalubusan nga agaplikar dagiti agtayag iti 5′ feet para kadagiti lalaki ken 4′ 9″ met kadagiti babbai.
Kabayatanna, innayonna nga agtultuloy met panagawat ti NAPOLCOM para kadagiti agtarigagay nga agaplikar iti eksaminasyon.
