Inlawlawag ti Department of Health (DOH) nga awan ti kasapulan nga aramiden dagiti Pilipino tapno magun-od ti “Zero Billing” policy kadagiti 87 DOH-run hospitals iti intero a pagilian.
Sigun iti nasao nga ahensia, saan nga agkiddaw ti Philippine Health Insurance Corporation (PhilHealth) iti aniaman a kanayonan a dokumento para kadagiti pasiente a mang-avail iti nasao a programa.
Inyunay-unay ti nasao nga ahensia a saan a kasapulan ti anyaman nga interview gaputa, amin a Pilipino ket miembro iti PhilHealth kas maibasar iti Universal Health Care Law.
Impanamnama ti DOH iti publiko nga agtultuloy a siguraduen ti PhilHealth a patas ti pannakagun-od ti health services para kadagiti amin a Pilipino.
Immuna a kinuna ni Health Sec. Teodoro Herbosa a nairugi a naipatungpal ti nasao a programa idi May 18, 2025.
