Sumagmamano a Public Utility Jeepneys (PUJs) ti temporaryo nga agre-reroute kagiddan iti maipatpatungpal a drainage rehabilitation ken road reblocking iti sangwanan ti Baguio City Police Office Police Station 7 ken Baguio Jail Management and Penology.
Dagiti jeepneys a kangrunaan nga agre-reroute ket dagiti jeepneys nga addaan iti staging area sadiay Kayang Street ken Upper Shagem Street.
Ti rerouting scheme dagitoy ket ti panagdalyasat iti Naguilian Road, paturong iti Labsan ken umuneg iti Insular ken agpakanawan iti Benjamin Salvosa Drive, ken Shanum Street ken agpakannigid iti Abanao Street.
Babaen iti daytoy, saan a manayunan ti trapiko a mapaspasaran iti sangwanan ti Baguio City Police Office Police Station 7 nangruna ket daytoy met laeng ti pagpagnaan dagiti jeep a paturong La Trinidad, Benguet.
Gapu iti nasao a konstruksyon, mapaspasaran ti nailet a gunay ti trapiko.
Nupay kasta, maimatangan ti presensya dagiti otoridad a mangimanmanehar iti gunay ti trapiko ken mangbanbantay iti nasao a konstruksyon.
Naikarga met ti traffic advisory ken caution line kabayatan ti panakaipatungpal ti proyekto.
Kabayatanna, makidkiddaw met ti panakaawat dagiti motorista, dagiti Public Utility Jeepneys (PUJs) ken dagiti pasaheros gapu iti nailet a gunay ti trapiko bayat a makidkiddaw pay koordinasyon dagitoy para iti panagsurotda kadagiti directional signages.
