--Ads--
Impakaammo iti Land Transportation Office (LTO) a mangipatungpalda iti “major reshuffle” kadagiti dadaulo dagiti district offices dagitoy kasaruno ti naduktalanda nga underperformance.
Iti statement ni LTO chief Assistant Secretary Vigor Mendoza II, naobserbaran ti underperformance partikular iti plate distribution ken panangtiliw kadagiti motor vehicles nga addaan iti expired a rehistro.
Sigun kenni Mendoza, nangipaiyulog daytoyen iti memorandum tapno mapakaammoan dagiti amin a regional directors seknan iti reorganization kadagiti distrito.
Panggep ti nasao a tignay a siguradwen ti naan-anay ken epektibo a serbisyo kadagiti umili.
