--Ads--
Makidkiddaw ti panagtitinulong dagiti residente ti Barangay Irisan, Baguio City para iti Bayanihan wenno Clean-up drive a maisaysayangkat tunggal Sabado.
Sigun kenni Arthur Carlos, kapitan ti Batangay Irisan, kasapulan ti panagsagana dagitoy nangruna ket umadanin ti paniempo ti panagtutudo rason a kaspaulan ti “Tapat ko, linis ko.”
Saan kuma nga urayen dagiti residente a dagiti kaaruba dagitoy ti mangdalus kadagiti arubayanda.
Kinuna ni Carlos a babaen kadagiti addang a panagdalus ket maliklikkan ti sakit a dengue a kadawyan a sakit a mapaspasaran tunggal panagtutudo.
Kabayatanna, nagpalagip pay daytoy maipapan iti panangsurot iti schedule ti basura para iti panangtalinaed iti nadalus nga aglawlaw.
