BAGUIO CITY – Inaprobaranen ti City Council ti maysa a resolusion a mangkidkidadw kadagiti private universities ken colleges ditoy siudad a mangadal iti posible a pannakaisubli dagiti school fees a binayadan dagiti estuidnate.
Sigun kadagiti opisial ti siudad, no umanamong dagiti pagadalan iti nasao a kiddaw ket dakkel a tulong daytoy kadagiti pamilia ken kadagiti estudiante a naapektaran iti enhanced community quarantine.
Sigun pay iti lokal a gobierno, no maisubli ti dadduma kadagiti kuarta nga inbayad dagiti estudiante ket mabalinda nga aramaten dagitoy a paggatang iti taraon, agas ken pagbayad iti kuryente, danum ken dadduma pay a babayadan.
Nakalanad iti resolusion a gapu iti pannakasuspindir ti klase ket saan met a naaramat dagiti estudiante dagiti pasilidad kadagiti pagadalan ken saan dagitoy a nagnumar kadagiti serbisio kadagiti pagadalan kas kadagiti laboratory fees, library fees ken miscellaneous fees.
Maipalagip a nasuspindir ti klase iti amin a lebel ditoy siudad kagiddan ti ECQ ken agleppas ti suspension inton Mayo 30.
Nupay kasta, sigun ken ni Mayor Benjamin Magalong, posible nga agpaut agingga Hunyo ti suspension iti klase ngem depende daytoy iti agbalin a sitwasion ti siudad.
