--Ads--
Imbinsa-binsa ni Baguio City Councilor Elmer Datuin dagiti kangrunaan a natalantan bayat ti regular council session iti Baguio City Hall idi kalman, Hunyo 29, 2026.
Iti pannakiuman ti Bombo Radyo kenni Councilor Datuin, imbinglayna a naaprobaran ti resolusyon a mangkidkiddaw iti extension iti saan paylaeng a panakaipatungpal ti panagngato ti renta iti Maharlika Livelihood Center iti dua a bulan manipud Hulyo agingga Agosto iti agdama a tawen.
Sigun kenkuana, naited daytoy a pawayway tapno maadal a naimbag no ania ti umno ken nainkalintegan a renta a saan a malugi ti siudad ken dagiti renters.
Impanamnama ti nasao nga opisyal a maited ti umno a solusyon bayat ti agtultuloy a panagadal iti ordinansa.//BomboKhey
