Idagdagadag ni Vice President Sara Duterte ti panagraem iti pangngeddeng ti Senado a mai-archive dagiti articles of impeachment kontra kenkuana.
Daytoy ti kinuna ti bise presidente kalpasan a nagbotos dagiti Senador iti pannakai-archive ti impeachment complaint kekuana gapu iti maatap a betrayal of public trust, culpable violation of the constitution, graft and corruption, ken dadduma pay a krimen.
Kabayatanna, nagselebrar ni Duterte a kaduana ti legal team-na ken dagiti nagpetision tapno ma-dismiss ti impeachment kontra kenkuana kalpasan ti desision ti Senado idi August 06, 2025.
Nupay kasta, impeksa ni Duterte a pagsaganaan latta ti legal team-na ti posible a pannakaipila manen ti impeachment case kontra kenkuana kadagiti sumarsaruno a tawen.
