Impablaak ni Ombudsman Samuel Martires nga urayen ti opisinana ti resulta ti impeachment trial ni Vice President Sara Duterte sakbay a marisut ti kasona.
Pinaglibakan ni Martires nga aramidenna ti panangsabotahe iti trial a nangtignay ti opisinana iti report nga impila ti House Committee on Good Governance and Public Accountability.
Maibasar ti pagannurutan, kinuna ni Martires a rumbeng a tratuenda ti committee report a naisubmitir iti opisinana kas reklamo, saan a kas maysa nga scratch paper.
Maipalagip nga idi Hunio disi nuebe, nagtignay ti Ombudsman iti committee report ken kiniddawna kenni Vice President Duterte a mangipila ti counter-affidavit iti maatap a saan a nasayaat a panagaramat ti confidential funds ti Department of Education ken ti Office of the Vice President.
Nangipila ni Duterte ti counter-affidavit iti Ombudsman idi laeng kalman.
Idi Hunio disi sais, nangisubmitir ti committee report ti Kamara kontra kenni VP Sara gapu iti mapapati a plunder, technical malversation, falsification, use of falsified documents, perjury, bribery, corruption of public officers, ken betrayal of public trust ken culpable violation of the Constitution.