BAGUIO CITY – Urayen pay ti City Council ti resulta ti naangay nga obserbasyon iti panakaiserra ti Session road idi napalabas a tawen.
Sigun kadagiti konsehal, agbasar iti resulta ti maisungbat iti kiddaw ni Mayor Benjamin Magalong a panakaituloy manen ti pedestrainization ti Session Road.
Iti naangay a session ti City Council, simmango da City Administrator Bonifacio Dela Peña, Deputy ti Traffic Enforcement Unit ti BCPO a ni Pol. Capt. Samuel Pacio ken ni Engineer Juanario Borillo ken nailawlawag ti nasao a nga issue.
Sigun kenni City Administrator Dela Peña, agginga ita ket saan pay a naconsolidate ti final results ti walkable Session idi naplabas a tawen ngem kinuna a naksayan ti CO2 emmision dagiti luglugan iti pasang-at a linia ti Session Roead.
Nupay kasta, kinuna ni PCapt. Samuel Pacio a ti nailet a traffic iti Session ket naiyakar kadagiti naduma-duma a kalkalsada iti Central Business District kas iti Harrison Road, A. Bonifacio Road ken dadduma pay.
Kiniddaw pay dagiti dadduma a councilors nga ilawlawag pay kuma ti Executive department ti mapasamak iti Walkable Session iti kanito a patgan daytoy ti konseho.
