BAGUIO CITY – Nainget nga im-imbestigaran ti pulisya ti pakabigbigan dagiti suspek a nangpapatay iti maysa a retirado a kameng ti Air Force ti Estados Unidos ti Amerika idi kalman sadiay Pinsao Proper, Baguio City.
Nabigbig ti biktima a ni Emelito Nalapo, adda iti legal nga edad ken residente iti nasao a lugar.
Sigun iti Baguio City Police Office, nakastrek dagiti suspek iti balay ti biktima babaen iti tawa iti maikadua a kadsaaran.
Saanda met nga ammo ti gatad dagiti alahas ken kwarta a natakaw manipud iti biktima.
Naduktalan met ti PNP-SOCO a pimmusay ti biktima kalpasan a nagsagrap daytoy iti adu a tagbat iti bagina.
Nailanad pay iti report a saan a nangngeg ti katulong ti biktima ti napasamak a panagtakaw ken pammapatay gapu ta naaramid ti krimen bayat a napigsa ti tudo.
