Kidkiddawen ni Retired Supreme Court Associate Justice Antonio Carpio iti gobierno a rumbeng a makasuan ti China.
Daytoy ket gapu met iti pannakadadael iti Escoda Shoal ken Rozul Reef.
Inrekomendar ti nasao nga opisial ti nasao a banag para iti sumaruno nga “arbitration”.
Maipalagip nga inakusaran iti Philippine Coast Guard (PCG) ti China a nangibangon iti artificial island iti Escoda Shoal, nu sadinno, maatap a ti pangibelleng dagiti “corals” iti asideg ti nasao a lugar ket panagsagana para iti “reclamation activities” idiay China.
Ti Escoda Shoal ket ad-adda nga asideg idiay Palawan ngem iti Ayungin Shoal nga ikalkalintegan ti China a kukuada.
Idi Setyembre iti napalabas a tawen, inrekomendar ni Justice Secretary Jesus Crispin Remulla iti Department of Justice (DOJ) iti panangipila ti kaso kontra iti China kasaruno iti report a mapukpukaw dagiti “corals” idiay Rozul Reef.
Nupay kasta, awan paylaeng iti kanayunan nga impormasion wenno update maipapan iti nasao a banag iti agdama.
