Inpatungpal ti siudad ti Baguio iti solemn retirement ceremony iti worn-out wenno daan a Philippine flags ti siudad idiay Baguio City Hall grounds ita nga aldaw.
Daytoy ket tapno bigbigen ken raemen ti national symbol kas ibagbaga ti linteg.
Ti nasao a seremonya ket mailinya iti Section 14 ti Republic Act No. 8461 wenno ti maawawagan a Flag and Heraldic Code of the Philippines a mangibilbilin a saan lattan nga ibasura dagiti daan, nadadael, nagkupas, ken nagluma a Philippine flag no di ket maidispose dagitoy a napnuan iti panagraem ken respeto babaen iti ceremonial burning tapno maliklikan ti misuse wenno saan a nasayaat a pannakaaramatna apaman a maibasura.
Ti nasao a ceremonial ket indauloan daytoy ni Baguio Vice Mayor Faustino Olowan, dagiti miyembro ti City Council, representatives manipud Boy Scouts ken Girl Scouts of the Philippines.
Ti seremonya ket paset metlaeng ti panangbigbig iti National Flag Day . //bombokcs
