Napalawa ti Department of Agriculture (DA) ti P20 tunggal kilo a rice initiative wenno Benteng Bigas Meron Na! (BBM Na) program kadagiti rice farmers ken farm workers.
Naisaganan dagiti 18 a National Food Authority (NFA) warehouses ti KADIWA ng Pangulo and Food Terminal Inc. (FTI) iti Central ken Northern Luzon para iti pannakailako ti of P20/kg rice kadagiti maikari a mannalon iti pagilian.
Sigun iti nasao nga ahensia, kualipikado dagiti farmers ken farm workers iti nasao a programa no addan dagitoy iti dua nga ektaria ti daga wenno ab-abanganda.
Malaksid iti dayta, kasapulan a rehistradoda iti Registry System for Basic Sectors in Agriculture ti Department of Agriculture
Mabalin a makagatang dagitoy iti 10 kilos a bagas tunggal bulan wennno 50 kilos ti bagas para iti August agingga December 2025.
Kabayatanna, manamnama ti ad-adu pay a KADIWA ken FTI booth a maikabil kadagiti bodega ti NFA para iti pannakailako ti P20/kg a bagas a napataud manipud iti pagay a ginatang ti NFA kadagiti lokal a mannalon.
