BAGUIO CITY–Bimmaba ti produksion ti bagas iti rehiyon Cordillera iti 1.1 percent idi 2018.
Maibasar iti datus ti Philippine Statistics Authority – Cordillera, nababbaba ti nasao a produksion no iti agarup 19.3-M metric tons a bagas a napataud dagiti mannalon ti rehiyon idi 2017.
Sigun iti ahensia, nakapataud ti rehion iti nasurok laeng iti 19-M metric tons a bagas idi 2018 manipud iti nasurok 4.8-M nga ektarya a pagmulaan ti pagay.
Naamuan a maika-15 ti Cordillera iti national production iti 2.1 percent wenno katukad ti nasurok 391,000 metric tons a bagas.
Napataud ti probinsia ti Kalinga ti kadakkelan a produksion iti bagas a sinaruno ti Apayao, Abra, Ifugao ken Mountain Province.
Nupay kasta, kinuna ni Department of Agriculture – Cordillera regional director Dr. Cameron Odsey nga agtaltalinaed a self-sufficient ti rehiyon iti bagas ken mais.
Photo grabbed from the internet//
