Suportado ni House Speaker Bojie Dy III iti inaprubaran nga substitute bill ti House Committee on Public Information para iti proposed Right to Information (RTI) Act of 2026.
Sigun kenni Speaker Dy, panggep ti nasao nga linteg nga ikkan karbengan dagiti umili ken paregtaen ti transparency iti pagilian.
Inlawlawag daytoy nga ti transparency ket maysa kadagiti umuna a proteksyon kontra iti panang-abuso dagiti adda iti posisyon.
Sigun kenkuana, mabalin nga adalen a nalaing ti publiko ti sistema ti gobyerno apaman a maikan dagitoy iti access kadagiti dokumento.
Maipalagip nga inaprubaran ti House Commitee on Public Information nga idadauloan ni Representative Suan, ti substitute bill ken committe report idi Martes, Marso 17.
Panggep ti nasao a gakat nga aramiden a konstitusyonal ti panangipaay ti karbengan dagiti imuli kadagiti impormasyon ken siguradoen ti public disclosure kadagiti amin a transaksyon ti gobyerno.
Sigun kenni Representative Suan, nabayagen a nakabinbin iti Kongreso ti maudi a gakat ngem iti 20th Congress, dandanin a maipasa ti Right to Information bill kas addang iti panangparegta iti accountability ken public access kadagiti amin a transaksyon ti gobyero. // bombokcs
