Inyunay-unay ti baro a Provincial Director iti Mt. Province Police Provincial Office a ni Police Colonel Ferdinand Oydoc kadagiti kapulisan iti Mt.Province a takderanda ti pannakabigbig ti kapulisan ti Cordillera a “most discipline cops” iti pagilian.
Gapu iti dayta, binilinna dagiti kapulisan sadiay a nasken a panunutenda pay nga umuna dagiti addang nga ramidenda tapno saan a mangitunda iti pannakadadael iti imahe ti kapulisan iti Cordillera nangruna iti Mt. Province.
Malaksid iti dayta, inyunay-unay ni Oydoc kadagitoy ti koordinasion kadagiti stakeholderda kas iti Local Government Unit ken ti panagmaymaysa dagitoy iti komunidad tapno adda ti panagtitinnulong.
Innayun ti nasao nga opisial nga awan pay ti maipatumpal a rigidon kadagiti kapulisan iti Mt. Province la kitdi nasayaat ti panagtrabaho dagitoy.
Kabayatanna, binilin daytoy ni Police Brigadier General David Kang-owan Peredo Jr., Regional Director iti Police Regional Office Cordillera a makisao kadagiti kapulisan tapno maipaayan dagitoy iti inspirasion nga agtrabaho nangruna dagiti adayo iti pamilia dagitoy.//mp4
