Napukawan ti rinibribo a pagtaengan iti kuryente ken nakanselar dagiti ginasgasut a flight idiay Texas, USA kagiddan ti panagdalapos ni bagyong Beryl iti nasao a lugar ita nga aldaw.
Sigun iti US National Hurricane Center, ti bagyo ket naikalsipikar kas Category 5 hurricane ken daytoy ket naglandfall idiay Matagorda, Texas.
Immuna metten a dinalapos ti nasao a bagyo dagiti pagilian a Jamaica, Grenada ken St. Vicent idi napalabas a lawas nu sadino agarup sangapulo ket maysa nga indibidual ken ado a pasdek ken power lines ti nadadael.
Dakkel met laeng ti nagbalin nga epekto ti bagyo iti oil ken natural gas producing-state idiay Texas rason a kinasapulan dagiti personnel nga ag-evacuate.
Iti panakaipaay ti ballaag iti publiko maipapan iti “deadly storm,” dagus a nagsagana dagitoy kadagiti essential a banbanag a kasapulanda.
