--Ads--
Manamnama a mangipaay ti gobierno ti kwarta ken bagas kadagiti rinibu nga umili iti probinsia ti Benguet inton umay a Domingo.
Sigun kenni House Speaker Martin Romualdez, paset daytoy ti inkari ni Presidente Ferdinand Marcos nga ipangpangrunana, dagiti marigrigat iti administrasionna.
Sigun pay kenni Romualdez, dakkel a gatad ti kuarta ti intuding ti kongreso para iti daytoy a card program ken agtultuloy daytoy iti sidong ti agdama nga administrasion para iti amin a lugar iti pagilian.
Kabayatanna, imbaga ni Benguet Lone District Congressman Eric Yap a dakkel a tulong daytoy, nangruna kadagiti mannalon iti probinsia a naapektaran ti epekto ti El Niño.
