BAGUIO CITY – Maisayangkat ti maysa a ritual sadiay Barangay Bedbed iti munisipyo ti Mankayan, Benguet para iti agtultuloy a panakasapol ti mapukpukaw a barangay secretary sadiay manipud idi pay napalabas a bulan kabayatan ti habagat.
Inlawlawag ni Mayor Materno Luspian a panggep ti nasao a ritual a maliklikan ti panakapasamak manen ti kapada nga insidente sadiay nangruna ti panagregaay ti daga.
Kinunana a saan nga agsarsardeng dagiti sumagmamano a residente sadiay nga agkalkali iti lugar a nakagaburan ti mapukpukaw a Barangay Secetary a ni Loviña Kidkid.
Dinakamatna a kalpasan ti maangay a ritual inton Sabado ket maituloy met laeng ti panagkali dagiti maseknan a kapamilya ti mapukpukaw
Innayonna a tumultulong met laeng dagiti barangay officials iti nasao a barangay iti panakasapol ti bangkay ti sekretarya tapnu maipaayan daytoy iti naurnos a tabon.
