Niluktanen iti Technical Education and Skills Development Authority (TESDA) ti Robotics and Computer Numerical Control wenno CNC Manufacturing Areas iti Cordillera State Institute of Technical Education (CSITE), kas panangpapigsa iti advanced manufacturing ken Industry 4.0–ready, a panagsanay iti rehion.
Indauloan ni TESDA Secretary Kiko Benitez ti panangiyuswat iti pasdek iti campus iti CSITE iti siudad ti Baguio.
Sigun kenkuana, napateg ti panagsanay a maitunos iti pagkasapulan iti industria tapno maipasigurado nga adda iti pudno a panggedan dagiti agsansanay iti sidong iti technical ken vocational education and training wenno TVET.
Impaganetget metlaeng iti secretary a rumbeng nga agbunga iti tunggal pondon a mailatlatang iti ahensia ken nasaysayaat nga oportunidad iti trabaho, kagiddan iti panagsagana para iti 2026 budget iti TESDA.
Kagiddan iti panaglukat iti pasilidad ti maika-pito nga anibersario iti CSITE nga addaan iti tema a “Building Competence, Shaping Futures.”
Pinirmaan metlaeng iti TESDA dagiti Memorandum of Understanding kadua ti John Hay Management Corporation, MOOG Controls Corporation, at Baguio City Country Club tapno mapapigsa ti enterprise-based training, micro-credential programs, apprenticeship, ken industry-aligned curricula.
