![](https://img.bomboradyo.com/baguio/2020/02/1.jpg)
BAGUIO CITY – Agsubli ditoy siudad ti Baguio ti Ronda Pilipinas a kadakkelan a cycling event ti Pilipinas.
Sigun kenni City Administrator Atty. Bonifacio dela Peña, makipaset iti kompetision inton sumaruno a bulan dagiti kalalaingan a cyclists iti pagilian.
Kinunana a maibilbilang ti Baguio Stage kas kapatgan a paset ti Ronda Pilipinas gapu ta babaen iti daytoy ket lumabas dagiti siklista kadagiti kabambantayan iti probinsia ti Benguet.
Mangrugi ti aktibidad sadiay Palayan City, Nueva Ecija ken agturong dagiti riders sadiay Burnham Park ditoy siudad.
Dinakamat ni Dela Peña a mabigbig kas King of the Mountain ti mangabak iti Baguio league.
Agsagsagana metten ti Baguio City Police Office ken dadduma pay a grupo a mangipaay iti assistance kadagiti makipaset iti Ronda Pilipinas.