--Ads--
Insingasing ti maysa a mammanday-linteg a rumbeng a ma-regulate ti gobierno dagiti social media platforms nangruna no saan nga agtrabaho dagiti internal policies a mangpasardeng iti panagwaras ti saan nga umno nga impormasion wenno “fake news.”
Sigun kenni Rep. Zia Alonto Adiong ti Lanao del Sur, rumbeng a suruten ti Pilipinas dagiti dadduma a pagilian iti panangaramid ti linteg seknan iti regulation ti social media, ken dinakamatna ti Singapore kas maysa nga “example.”
Kinunana nga inadaptar ken inaprobaran ti Singapore ti Protection from Online Falsehoods and Manipulation Act, a kasapulan met a matulad.
Iti baet nga adda ti polisia ti Meta, napaliiw ni Adiong a saan nga umdas dagitoy a manglaban iti panagadu dagiti kinaulbod a plataporma.
