Inarestar dagiti otoridad ti sabali manen a Russian content creator a nangipablaak iti kontentna iti maysa a nalatak a social media platform nu sadino,kinunana nga agiwaras daytoy ti HIV iti Pilipinas.
Sigun iti Bureau of Immigration-Fugitive Search Unit, nasarakan da ti nasao a gangganaet iti condominium daytoy idiay Barangay Sto. Cristo, Quezon City idi kalman iti malem kabayatan ti naipatungpal nga operasyon.
Maibasar iti imbestigasyon, rumrumwar a dimteng iti pagilian ti nasao a content creator idi January 15.
Maipaspasidong metten daytoy iti booking ken documentation procedures sakbay a maiturong iti pagbaludan iti Bureau of Immigration.
Iti agdama ket manarimaan ti panangadal iti Bureau of Immigration(BI) nu addaan daytoy iti criminal records, ken nu awan ket maisagana dagiti kaskenan a banag para iti panakadeport daytoy.
Maipalagip nga iti impablaak ti nasao a Russian national ket dinakamatna nga agiwaras iti HIV iti pagilian bayat nga adda daytoy idiay Bonifacio Global City nu sadino,nakaawat daytoy iti pammablaw ken panagamak manipod kadagiti maseknan.