Naituding nga idauloan wenno sangailyen ni Russian President Vladimir Putin iti summit kadua dagiti lider iti Southeast Asia iti siudad iti Kazan idiay Russia ita nga aldaw, iti tennga iti agtultuloy a pressure manipod iti West a leppasen ti giera idiay Ukraine.
Makipaset dagiti pannakabagi iti sangapulo ket maysa a pagilian a kameng iti Association of Southeast Asian Nations (ASEAN) para iti panagtaripnong a nakapokus iti panangrambak iti 35 a tawen iti nagbaetan iti Russia ken ASEAN, sigun iti Kremlin. Karaman kadagiti nakipaset dagiti prime minister iti Thailand, Vietnam, Cambodia, Laos, Malaysia, ken Singapore, bayat a ni Presidente Ferdinand Marcos ti nangibagi iti Pilipinas.
Sigun iti Moscow, pagsaritaan dagiti lider dagiti isyu iti rehion ken iti lubong, kasta metten ti kooperasion iti seguridad, trade, investment, ken humanitarian ties.
Kagiddan iti daytoy, impaganetget manen iti sumagmamano a lider iti Laud, karaman ti Estados Unidos ti panawagan a makitulag ti Moscow tapno leppasen ti laban.
