--Ads--
Saan a bumaba iti innem a tattao ti pimmusay bayat a 90 dagiti nadangran iti napasamak a panagbettak iti gas truck idiay Mexico City idi laeng Mierkules.
Iti video ken ladawan a naala dagiti nakakita, nagsagrap iti nakaro a burns dagiti biktima ken nadadael dagiti kawesda.
Ti panagbettak ti nasao a truck ket nakaitunda iti “shock wave” a nangdadael iti 32 a luglugan nga asideg iti daytoy.
Manarimaan paylaeng met ti imbestigasyon tapno maduktalan nu anya ti rason iti panakapasamak iti insidente ken nu nagtulnog ti kompanya nga agtagikua iti daytoy kadagiti pagalagadan.
