--Ads--
Inlawlawag ti Department of Social Welfare and Development (DSWD) a saan a kasapulan ti Commission of Election (COMELEC) Certification tapno makaala dagiti kwalipikado a drayber ti tulong pinansyal.
Daytoy ket kalpasan iti napasamak idiay Cebu City no sadino maatap a nakiddaw manipud kadagiti habal-habal drivers ti certification form manipud Comelec.
Sigun kenni DSWD spokersperson Asec. Irene Dumlao, lisensiya laeng ti kasapulan tapno saanen a marigatan dagiti drayber a makaala ti cash aid dagitoy.
Inlawlawagna metlaeng a ti P5,000 a tulong pinansyal iti sidung ti Assistance to Individual in Crisis Situation (AICS) ket para laeng kadagiti kwalipikado a drivers nga apektado iti panagngato ti presyo ti produkto a petrolyo. //bombokaren.c.s
