Inlawlawag ni Arthur Carlos, kapitan ti Barangay Irisan a ti saan a nasayaat nga ayamuum ti angin a malanglang-ab dagiti umili sadiay ket saan a gapu kadagiti “nabubulok” a basura manipud Baguio City Public Market.
Iti panakiuman ti Radyo kenni Carlos, kinunana a manarimaan ti konstruksyon iti sigud a dumpsite ti Irisan, Baguio City para iti developmentna.
Gapu iti dayta, no makalkal ti kontraktor ti dumpsite ket sumngaw ti angot daytoy ken no panawen iti panagtutudo ket saan a maliklikan a maangot dagiti residente ti saan a nasayaat nga angot dagiti basura.
Sigun kenni Carlos ti agbalbalin a solusyon iti nasao a pakaseknan ket ti dagus a pananggabur ti kontraktor kadagiti makalkalkalda iti dumpsite tapno saan nga agwaras ti angot daytoy.
Malaksid iti dayta ket ti panakaraamat ti deoderizer a kas bilin iti mayor iti siudad.
Kabayatanna, kinuna ni Carlos a dagiti “nabubulok” a basura manipud Baguio City Public Market ket saanan a maiturturong sadiay Irisan gapu ta ti makina a mangilgiling kadagitoy ket nadadael.
