Nilawlawagan ni House Deputy Majority Leader Rep. Erwin Tulfo a saan a pagkaykaysaan dagiti kongresista ni Vice President Sara Duterte
Kasaruno daytoy ti waragawag ni VP Sara a pagtintinnulong daytoy dagiti kongresista nu maipapan iti pundo ti Office of the Vice President.
Iti maysa nga interview, kinuna ni Tulfo a saanda a pagkaykaysaan ti bise presidente iti baet dagiti immunan a tension iti nagbaetan dagiti kongresista ken ni VP Sara nangruna nu maipapan iti pundo ken confidential fund.
Sigun kenni Tulfo, nu man adda dagiti dadduma a miyembro ti kongreso a kayatna a malimitaran ti pundo ti Office of the Vice President, ado latta dagiti kongresista a kayatna a maipaayan iti umno a pundo ti opisina ti bise presidente.
Iti kinapudnona, impetteng ni Tulfo nga itay laeng nabiit ket pinaayaban ni House Speaker Martin Romualdez dagiti lider ti kongreso tapno pagsaritaanda ti pundo a mailatang iti opisina ni VP Sara.
