ATOK, BENGUET – Impeksa ni Atok Mayor Franklin Smith a nabayag a maiparparit ti pannagaramat iti palibang sadiay Atok, Benguet.
Iti pannakiuman ti Bombo Radyo kenkuana, kinunana a nabayag a supsupurtaran ti Atok ti programa ti Department of Health (DOH) seknan iti pannakaiparit dagiti palibang tapno maliklikan ti aksidente, nangruna kadagiti ubbing.
Mainaig iti daytoy, nagpalagip ti nasao a Mayor kadagiti residente sadiay Atok a liklikanda ti palibang iti baet nga awan ti agilaklako iti Munisipio dagitoy.
Kabayatanna, impeksa ni Mayor Smith nga awan ti nailista dagitoy a kaso ti Fire-related injuries idi napalabas a panagsarabo ti baro a tawen iti nasao a munisipio.
Kabayatanna, awan ti naituding a lugar a mabalin a pakaisayangkatan ti fire works display sadiay agsipudta saan a daytoy ti prioridadda ita a holiday season.//mp4
