Agbalbalin a karit iti Atok Municipal Tourism ti saan a panagbayad iti environmental fee dagiti daduma a turista a bumisbista sadiay barangay Paoay, Atok, Benguet.
Iti panakiuman ti Bombo Radyo kenni Johanna Mae Lopez- Balao, Tourism officer I, kinunana nga adda dagiti gundaway a diretso nga agturturong dagiti turista kadagiti nagduduma a tourist attractions ti Paoay no sadino saan dagitoyen a dumalan iti Treasury Office wenno iti municipal gym tapno agbayad iti environmental fee.
Gapu iti dayta, awan ti maaramidan dagitoy rason a kiddawda met ti koordinasyon dagiti pagpasyaran tapno ballaaganda dagiti turista maipapan iti panagbayad iti environmental fee.
Sigun kenni Lopez- Balao, iti agdama ket ad-adalenda no kasano a mas maimplementar a nasaysayaat ti panakolektar dagitoy.
Ti panagbayad iti environmental fee ket mangrugi iti oras ti alas 5:00 AM wenno 6:00AM agingga alas 3:00 ti malem.
