--Ads--
BAGUIO CITY – Balballaagan ti Diocese of Baguio dagiti umili tapno saan dagitoy a makipaspaset kadagiti aktibidad ti grupo a maaw-awagan a ‘Rosary Confraternity Benguet’.
Sigun kenni Bishop Victor Bendico, awan ti koneksion ti grupo iti Catholic movement.
Kinunana a saan nga ibilbilang dagiti miembro ti grupo ti bagida kas kameng ti Catholic Church.
Innayonna nga ak-akusaran ti grupo ni Pope Francis kas anti-Christ ken saan a mangipatpatungpal iti Vatican II Council.
Sigun pay kenni Bishop Bendico, saan a bigbigbigen ti grupo ti validity ti Sacramento ti Simbaan Katolika.
Gapu iti daytoy, kinunana a masapul nga agbalin nga alerto ti publiko tapno saanda a maallilaw kadagiti isursuro ken aktibidad ti Rosary Confraternity Benguet.
