Binabalaw da Akbayan Party-list Rep. Perci Cendaña ken Mamamayang Liberal (ML) Party-list Rep. Leila de Lima ti saan a panangatendar ni Vice President Sara Duterte iti panagdengngeg ti Kamara seknan iti impeachment proceedings daytoy.
Iti impablaak ni Cendaña iti social media account daytoy, kinunana a saannen a baro kenkuana ti saan a panangsango ti bise presidente iti panangdengngeg.
“Hindi nakakapagtaka. Expected na ‘yan. Korap lang ang ayaw humarap,” sigun kenni Cendaña.
Kabayatanna, binabalaw met laeng ni Representative De Lima ti saan a consistent a takder ti bise presidente nangnagruna iti nagbalin nga statements daytoy iti napalpalabas a tawen.
“May pa-‘bloodbath, bloodbath’ pang sinasabi noon. Sa simpleng committee hearing nga ay takot na takot ngayon,” sigun kenni De Lima iti nagsina a social media post.
Ginuyugoy met ni De Lima ti Korte Suprema a saanna a palubosan dagiti maararamat a rason tapno talikodan ti maysa nga indibidwal ti responsibilidad daytoy. //bombokaren.c.s
