Inlawlawag ni Eugene Buyucan, opisyal ti General Services Office – Baguio nga awan ti impaiyulogda a pammilin a maisardeng ti panagkolektar dagitoy ti basura bayat a napasaran ti panagtudtudo.
Sigun kenni Buyucan, kiniddawda laeng ti saan a panangiruar dagiti residente kadagiti basurada nu mapasaran ti nakaro a panagbayakabak ti tudo gapu ta narigrigat nga akupen nu maiyanod ken maiturong kadagiti kanal.
Malaksid iti dayta, ad-adda pay a dumagsen dagiti basura nu mabasa dagitoy.
Nupay kasta, kinuna ti opisyal a bayat ti panagrikosda idi napasaran ti napigsa a panagtudtudo-na iti siudad ket adda ti namonitorda kadagiti residente a nangiruar kadagiti basurada rason nga inakopda ladta dagitoy.
Gapu iti dayta, makidkiddaw ti kooperasyon dagiti residente nga agtulnog iti saan a panangiruar kadagiti basura bayat ti panagtutudo kasta metten ti panangimaniharda kadagiti nabubulok a basura.//Bombo Rob Dominguez
