--Ads--
BAGUIO CITY – Imbalakad ti City Health Services Offices iti publiko a saan unay nga adoen ti panagluto kadagiti oily ken fatty foods iti Paskua ken baro a tawen.
Iti interview ti Bombo Radyo, kinuna ni Dra. Celia Flor Brillantes, dadaulo ti nasao nga opisina, nasaysayaat nu laokan metlaeng iti nateng dagiti lutoen tapno saan a puro karne ti ipauneg a taraon.
Innayonna a napimpintas metlaeng nu agisana iti prutas a pagsasangoen ti pamilya.
Inyunay-unayna a liklikan ti nalabes a panangan nangruna iti rabii nu sadino dagiti laeng kabaelan a taraon ti ipauneg.
Saan metlaeng a liplipatan nga aginum iti umdas a danum.
Babaen kadagitoy ket maliklikan dagiti nagduduma a sakit a mabalin nga itunda ti saan a nasalun-at a taraon.
