BAGUIO CITY – Umap-apela ti Baguio City Police Office (BCPO) iti publiko tapno maisardengen ti panaka-bash wenno panakababalaw ni Judge Roberto Mabalot.
Maipalagip a maak-akusaran ni Judge Mabalot iti maatap a panakibiang iti kaso ti maysa a taxi driver a nangdarundon iti maysa a pulis sadiay Abanao Street.
Sigun kenni PCol. Allen Rae Co, direktor ti BCPO, masapul a maisardengen ti panang-bash dagiti netizen kenni Judge Mabalot.
Impettengna a saan a masapul a mairaman a mababalaw ken mapangtaan ti pamilia ni nasao a huwes.
Kiniddawna ti panagtalinaed ti publiko a naka-focus iti pudpudno a napasamak ken saanda koma nga iraman ti dadduma pay a banag seknan kenni Judge Mabalot.
Mamati ni Co a no pudno nga adda ti biddut ni Judge Mabalot ket sungbatanna daytoy iti Korte Suprema.
