BAGUIO CITY- Manamnama a maisayangkat ti sabali manen a seminar dagiti babbae mainaig iti fire safety iti siudad ti Baguio intun Abril 2026.
Sigun kenni FO1 Lloyd Ashley Furigay, Public Information officer ti BFP Baguio, nagbalin a baro a programa ti pannakaipaay ti training wenno seminar kadagiti babbae ita a bulan ti Marso kas paset ti Women’s Month Celebration.
Innayun ni Furigay a posible a maaddaan iti online registration ti sumaruno a seminar tapno maamuanda no mano ti posible a makipaset.
Inlawlawag ti nasao nga opisyal a maipasidong iti seminar dagiti babbae gaputa, kadawyan a dagitoy ti mapanpanawan iti pagtaengan.
Kabayatanna, naipaayan iti gundaway dagiti agtutubo ken ubbing a mapadasan ti rapelling no sadino, naipa-kaammo kadakuada ti nadumaduma a nasken nga aramiden nu adda ti uram, emerhensiya ken daduma pay babaen ti fires quare roadshow.
Sigun kenni FO1 Furigay, partnerda ti City Disaster Risk Reduction Management Council (CDRRMO) ken Baguio City Emergency Medial Services.
Impeksa daytoy a ti nasao nga aktibidad ket mangipaay ti first aid ken basic life support maipapan iti emerhensia a kas iti uram.
Ti nasao nga aktibidad ket pinasetan dagiti Senior High School (SHS), Junior High School (JHS) ken dadduma pay.
Mainaig ti dyta, impetteng ni Furigay a nasayaat ti obserbasyon dagitoy no maipapan iti preparedness and response ti komunidad seknan iti uram.
Inyunay-unayna a resulta metlaeng daytoy ti panangisayangkatda iti seminars babaen metlaeng iti kiddaw dagiti pagadalan, barangay ken dadduma pay a maseknan nga organisasyon.//Via Bombo Noveh Organo
