Dinayaw ni Senator Sherwin Gatchalian ti mannarimaan nga administrasyon gapu iti panangsigurado iti “safe passage” dagiti vessels paturong iti pagilian a Pilipinas.
Sigun kenkuana, dakkel a balligi daytoy para kadagiti Pilipino gapu iti mapaspasaran a krisis gapu iti mannarimaan a gubat idiay Middle East.
Innayon ti senador a napateg ti nasao a tulag no sadino pinalubosan ti Iran ti natalged a panagdalyasat dagiti oil tankers ti Pilipinas iti Strait of Hormuz.
“Iran’s commitment to allow the passage of PH-bound oil tankers through the Strait of Hormuz is a critical win for the country’s national energy security,” sigun kenni Senador Gatchalian.
Dinayawna metlaeng ti Department of Foreign Affairs (DFA) ken Department of Energy (DOE) gapu iti napartak a panang-aksyonda tapno maipatumpal ti nasao a tulag.
Sigun kenkuana, makatulong daytoy iti panangkissay ti epekto ti krisis a mapaspasaran ita ti pagilian a Pilipinas kas iti kinakurang ti suplay ti petrolyo iti pagilian.
Maipalagip nga immunan a kinumpirmar ni Foreign Affairs Secreary Ma. Theresa Lazaro a napagtatalantananda kenni Iranian Foreign Minister Seyed Abbas Araghchi ti pannakailukat Strait of Hormuz para kadagiti barko ti Pilipinas ken kadagiti Filipino seafarers. //bombokaren.c.s