Kalpasan a nangiruar iti arrest warrant iti Sandiganbayan kontra kenni sigud a House Speaker Martin Romualdez, kiniddaw iti kampona nga agtalinaed paylaeng daytoy iti ospital gapu iti sagsagabenna a sakit.
Maibasar iti siam a panid iti manifestation iti kampona, na-admit ni Romualdez iti ospital idi Setiembre 7 ken addaan iti medical history iti sumagmamano a cardiovascular ken neurological conditions.
Karaman ditoy ti hypertensive atherosclerotic cardiovascular disease, unstable angina, coronary artery disease ken sigud a naipasidong iti percutaneous coronary intervention wenno PCI.
Addaan metlaeng daytoy iti cerebrovascular ischemic disease, type 2 diabetes, hypertension, dyslipidemia ken primary hypothyroidism.
Naipadamag metlaeng a nakapasar ni Romualdez iti anxiety attack sakbay a naipaay ti arrest warrant.
Sumangsango ni Romualdez iti P7.4 bilion a plunder case a naipila iti Office of the Ombudsman seknan iti mapapati nga anomalia kadagiti flood control project.
Iti tengnga iti sagsagabaenna a sakit, imbilang met iti Department of the Interior and Local Government ni Romualdez a posible a flight risks.