Manamnama a libre ti saklay, walkers ken wheelchair ken dadduma pay para kadagiti agkasapulan a miembro ti Philppine Health Insurance Corporation a mangrugi intun Enero 2025.
Sigun kenni Representative Erwin Tulfo, immanamong ti PhilHealth management iti katulagan a baklayen daytoy ti bayad dagiti nasao a banang.
Immuna a kiniddaw ti presidente ti PhilHealth a ni Manny Ledesma iti House leadership a maikkanda iti gundaway agingga iti Enero inton sumaruno a tawen tapno maipatungpal ti programa ken tapno mapadur-asda daytoy.
Kinuna pay ni Ledesma a manarimaan ti proseso no kasano a maka-avail dagiti kameng ti PhilHealth iti nasao a programa.
Maipasdek pay no ania dagiti optical centers, drug stores wenno pharmaceutical centers a mangipaay kadagitoy.
