Mabalin nga ikonsidera dagiti agtagilako ti mangipaay iti promo kadagiti school supplies kas iti bundling ken panangipaay iti discount.
Iti panakiuman iti Bombo Radyo kenni Ralph Altiyen,dadaulo iti Consumer Protection Division iti Department of Trade and Industry-Baguio-Benguet, ad-adda nga intadudoda dagiti sales promotion a pro-consumer.
Nupay kasta, impettengna a sakbay ti panangipatungpal iti nasao a promo, kasapulan a mangala metlaeng iti sales promotion permit manipod iti opisina iti Department of Trade and Industry.
Iti sabali a bangir,nagpalagip ni Altiyen kadagiti consumer a sukimaten dagiti gatangenda a produkto ken saan laeng nga agpokus iti presyo ken kalidad dagitoy nu di ket, kitaen metlaeng nu siasino ti manufacturer, ken ti toxicity level dagitoy.//Bombo Rob Dominguez
