BAGUIO CITY – Agtultuloy met ti panangbantay ti Department of Health – Cordillera iti salun-at ken pakabuklan a kasasaad dagiti evacuees ken responders sadiay Itogon, Benguet.
Nangipaay ti ahensia iti 500 nga anti-tetanus ken diphtheria vaccines ken nangimuntarda iti temporaryo a toilets ken portalets sadiay Ground Zero para kadagiti responders a mangisaysayangkat ti retrieval operation.
Sigsiguraduenda met ti kaadda dagiti agas ken health emergency equipment a kasapulan iti Ground Zero.
Innayon ni DOH-Cordillera Regional Director Dr. Amelita Pangilinan a tuttutukanda dagiti amin a pakaseknan iti salun-at kas iti communicable diseases, dagiti food/water borne diseases, malnutrition, maternal and child health ken mental health a posible nga itunda ti stress ken trauma manipud iti insidente.
Nangdutok metten ti DOH iti medical personnel sadiay Itogon tapnu adda ti mangipaay ti medical consultation ken panagtaming kadagiti agkasapulan.