Nangipaulog ti Sandiganbayan Fourth Division iti hold departure ken warrant of arrest kontra kada Sen. Rodante Marcoleta ken sigud a mammanday-linteg a ni Michael “Mike” Defensor gapu iti mapapati a pananglabsingda iti Presidential Decree No. 46.
Adda pakainaiganna daytoy iti maatap a panangawat ni Sen. Marcoleta iti campaign donations sakbay iti 2025 National Election.
Agdama a nakadetene ni Defensor idiay New Quezon City Jail- Male Dormitory iti sidung ti commitment order nga immunan nga inparuar ti Sandiganbayan Third Division seknan iti kaso a plunder kontra kenkuana ken iti dadduma pay nga indibidual.
Kabayatanna, agtaltalinaed met ni Sen. Marcoleta iti Philippine National Police Hospital idiay Camp Crame kalpasan a maatap a nakarikna daytoy iti komplikasyon iti salun-at kasaruno iti pannakaarestarna idi Lunes, Hulyo 6.
Inbilin met ti Sandiganbayan a maiserbi ti arrest warrantda kadagiti agdama nga lokasyon dagitoy. //bombokaren.c.sapirao Sandiganbayan, nangiruar iti warrant of arrest kontra kenni Sen. Marcoleta ken sigud a mammanday-linteg a ni Defensor
