Kangrunaan a maipulpullat dagiti sanga ti kayo kadagiti steel screen a nakamuntar kadagiti kanal ita a panawen ti panagtududo iti siudad ti Baguio.
Iti pannakaiuman ti Bombo Radyo kenni Jessie Salvador Bandiola, Barangay Captain ti City Camp Lagoon, Baguio City, kinunana a panaglayos ti kangrunaan a bambantayanna kaduana dagiti dadduma pay nga opisial.
Nupay kasta, impeksana a nakasagana latta met dagitoy para iti aniaman a sitwasyon a mapasamak iti barangayda.
Malaksid kadagiti kayo, maysa pay kadagiti maipulpullat ket puon ti saba ken dagiti basura kadagiti steel screen a rason tapno agbackflow ti danum.
Gapu iti dayta, kidkiddawen ti nasao nga opisial a makitinnulong dagiti residente iti nasao a barangay iti panagdalus ken panangikabil kadagiti basura iti umno a pangikabilan.
Kabayatanna, impalagip manen ti nasao nga opisial kadagiti masakupanna nga agturong laeng iti nasao a barangay dagiti kasapulan nga agbakwit tapno maliklikan ti aniaman a saan a nasayaat.//Bombo Noveh Organo
