Agsapsapul ti Department of Migrant Workers (DMW) ti 100 a Pinoy caregivers a maiturong idiay South Korea babaen ti caregiver Pilot Project.
Sigun iti Department of Migrant Workers, dagiti pummasa a caregiver ket tumulong iti pamila idiay South Korea iti panagtaripato ti ubbing, wenno panangaramid dagiti kangrunaan a maar-aramid iti uneg ti pagtaengan ken dadduma pay.
Rugyan ti nasao nga ahensia ti registration para kadagiti interesado manipod inton May 9, Huwebes agingga inton Mayo 10, Biyernes.
Kasapulan laeng nga iparang ti aplikante ti Technical Education and Skills Development Authority (TESDA) National Certificate (NC) II Caregiving Certificate.
Kasapulan pay a dagiti aplikante ket agtawen ti 24 agingga 38.
Kinuna ti nasao nga ahensia a maipasidong iti comprehensive medical, psychological, language, ken physical tests dagiti napili nga aplikante ken makaawat ti pre-departure ken post-arrival training sessions.
Makipaset metlaeng dagiti “prospective Korean families” iti “orientation sessions.
Ti caregiver Pilot Project ket paset iti Employment Permit System (EPS) ti South Korea.
Iti nasao a sistema, mabalin a mangala ti Korean employers ti ganganaet nga agtrabaho sadiay nangruna nu awan ti interesado a local workers iti maidia-diaya a trabaho sadiay.
Inlawlawag ti nasao nga ahensia a panggep ti nasao nga addang tapno mapalawa pay ti “bilateral labor ties “ ti nagbaetan ti Pilipinas ken Korea ken mapadakkel pay ti caregiver deployment plan ti dua a pagilian
